تقاتلت الكِـنَّة مع حماتها.. راحت الحماة تشكي لإبنها من زوجته
قلها يمَّه شو بدِك أعمل علشان ترتاحي؟ حكتله أُضرب مرتك
راح قال لمرتو: بدي أضربك بالمخدة واعملي حالك بتعيّطي
وهو بضربها أجت أمه بتقله خلص يما بكفي.. برَّدِت على قلبي
ثاني يوم صحي من النوم الفجر، وراح وصَّل مرتو على أهلها قبل ما تصحى أمه
ولما رجع عالبيت وقف على باب غرفته وسكرها بالمفتاح
وقال لأمه هيني حبستها جوا بدون أكل ولا شُرب علشان تتربى وتتعلم كيف تحترمك.. وطلع على شغله.
لما رجع لقي أمه بتعيِّط .. سألها مالك !!
حكتله: يمه مرتك بتسِب وبتغلط علي من ورا الباب
